அபக்கா சௌதா

அபக்கா சவுதா ( Abbakka Chowta) என்பவர் பதினாறாம் நூற்றாண்டின் பிற்பகுதியில் போர்த்துக்கீசியர்களுடன் போராடிய உல்லாலின் முதல் துளுவ ராணியாவார்.. இவர் இந்தியாவின் கடலோர கர்நாடகாவின் ( பழைய துளு நாடு) சில பகுதிகளை ஆண்ட சவுதா வம்சத்தைச் சேர்ந்தவர். இவர்களின் தலைநகரம் புட்டிஜ் ஆகும்.. துறைமுக நகரமான உல்லால் அவர்களின் துணை தலைநகரமாக செயல்பட்டது. மூலோபாய ரீதியில் வைத்திருந்ததால் அதனை கைப்பற்ற போற்றுக்கீசியர்கள் பல முயற்சிகளை மேற்கொண்டனர். ஆனால் அபக்கா அவர்களின் ஒவ்வொரு தாக்குதலையும் முறியடித்தார்.. இவரது துணிச்சலுக்காக இவர் அபையா ராணி அதாவது அச்சமற்ற ராணி என்று அறியப்பட்டார்.

காலனித்துவ சக்திகளை எதிர்த்துப் போராடிய ஆரம்ப கால இந்தியர்களில் ஒருவரான இவர் சில சமயங்களில் இந்தியாவின் முதல் பெண் சுதந்திர போராளி என்றும் கருதப்படுகிறார். கர்நாடக மாநிலத்தில் ராணி கிட்டூர் சென்னம்மா, கெலாடி சென்னம்மா மற்றும் ஒனகே ஒபாவ்வா ஆகிய முன்னணி பெண் வீராங்கனைகள் மற்றும் தேசபக்தர்களுடன் இவர் கொண்டாடப்படுகிறார்.

திகம்பரா ஜெயின் பண்ட் சமூகத்தின் தாய் வழி உறவு முறை பரம்பரை (அலியசந்தனா) முறையை சவுதாக்கள் பின்பற்றினர். இதன் மூலம் அபக்காவின் மாமாவான திருமலைராயர் இவருக்கு உல்லால் ராணியாக முடிசூட்டினார். மேலும் மங்களூரில் பங்கா அதிபரின் மன்னர் இரண்டாம் இலட்சுமப்பா அரசர் பங்கராஜாவுடன் அபக்காவுக்காக ஒரு திருமண கூட்டணியையும் உருவாக்கினார்.. இந்தக் கூட்டணி பின்னர் போர்ச்சுகீசியர்களுக்கு கவலை அளிப்பதாக இருந்தது. திருமலைராயர் அபக்காவுக்கு போர் மற்றும் ராணுவ விவரங்களை பல்வேறு அம்சங்களிலும் பயிற்சி அளித்தார். எவ்வாறாயினும் திருமணம் குறுகிய காலமாக இருந்தது. அவரது கணவர் அபக்காவுக்கு எதிரான பழிவாங்கலுக்காக ஏங்கினார். பின்னர் போர்ச்சுக்கீசியர்களுடன் அபக்காவுக்கு எதிரான போராட்டத்தில் சேர இருந்தார்.

கோவாவை மீறி அதன் கட்டுப்பாட்டை எடுத்துக் கொண்ட பிறகு போர்த்துக்கீசியர்கள் தங்கள் கவனத்தை தெற்கு நோக்கி மற்றும் கடற்கரையோரம் திருப்பினர். அவர்கள் முதலில் கிபி 1525 இல் தெற்கு கனரா கடற்கரையை தாக்கி, மங்களூர் துறைமுகத்தை அழித்தனர்.. உல்லால் ஒரு வளமான துறைமுகமாகவும் அரேபியா மற்றும் மேற்கில் உள்ள பிற நாடுகளுக்கு மசாலா வர்த்தகத்தின் மையமாகவும் இருந்தது.. அது லாபகரமான வர்த்தக மையமாக இருந்ததால், போர்த்துக்கீசியர்கள், டச்சு மற்றும் பிரிட்டிஷ் ஆகியவை பிராந்தியத்தின் கட்டுப்பாட்டிற்கும் வர்த்தக வழிகளுக்கும் ஒருவருக்கொருவர் போட்டியிட்டனர். எவ்வாறாயினும், உள்ளூர் தலைவர்களிடமிருந்து எதிர்ப்பு மிகவும் வலுவாக இருந்ததால் அவர்களால் அதிகம் முன்னேற்றம் காண முடியவில்லை.

அபக்காவின் நிர்வாகத்தில் சமணர்கள், இந்துக்கள் மற்றும் முஸ்லிம்களால் நன்கு பிரதிநிதித்துவம் செய்யப்பட்டது.. பதினாறாம் நூற்றாண்டில் இவரது ஆட்சியின் போது பியரி ஆண்கள் கடற் படையினராக பணியாற்றினர் என்பது வரலாற்று ஆராய்ச்சி மூலம் வெளிப்படுத்தப்படுகிறது. ராணி அபக்கா தனிப்பட்ட முறையில் மலாலி அணை கட்டுமான பணியினை மேற்பார்வையிட்டார். இவர் காலிகட்டின் ஜாமோரின் உடன் கூட்டணிகளை உருவாக்கினார். அவர்கள் போர்ச்சுக்கீசியர்களை வளைகுடாவில் வைத்திருந்தனர். அண்டை நாடான பங்கா வம்சத்துடனான திருமண உறவுகள் உள்ளூர் ஆட்சியாளர்களின் கூட்டணிக்கு மேலும் பலத்தை அளித்தன. மேலும், இவர் சக்தி வாய்ந்த பிந்தூர் அரசர் வெங்கட்டப்ப நாயக்கர் இடமிருந்து ஆதரவு பெற்றார். அதனால் போர்ச்சுக்கீசிய அச்சுறுத்தல்களை புறக்கணித்தார்.

வரலாற்றின் படி இவர் மிகவும் பிரபலமான ராணியாக இருந்தார். மேலும் இவர் இன்றும் நாட்டுப்புற கதைகளில் ஒரு பகுதியாக இருக்கிறார். ராணியின் கதை நாட்டுப்புறப்பாடல்களிலும் குறிப்பாக கரையோர கர்நாடகாவின் பிரபலமான நாட்டுப்புற நாடகமான யக்ஷகான மூலமாகவும் தலைமுறை தலைமுறையாக சொல்லப்படுகிறது. தைவ கோலா என்கிற உள்ளூர் சடங்கு நடனத்தில் பங்கு பெரும் ஆளுமை அபக்கா மகா தேவியின் மகத்தான செயல்களை நினைவுறுத்துகிறார். அபக்கா கருமை நடுமுடையவராகவும் காண்பதற்கு அழகாகவும் சித்தரிக்கப்படுகிறார். எப்போதும் சாமானியரை போன்ற எளிய ஆடைகளை அணிந்து கொள்பவராக சித்தரிக்கப்படுகிறார். இவர் நீதியை வழங்குவதற்காக இரவு வரையிலும் தாமதமாக வேலை செய்தார் எனவும் அறியப்படுகிறார். போர்த்துகீசிர்களுக்கு எதிரான தனது போராட்டத்தில் அக்னிவனாவை (தீ-அம்பு) பயன்படுத்திய கடைசி நபர் அபக்கா என்றும் புராணக் கதைகள் கூறுகின்றன. போர்ச்சுக்கீசியர்களுக்கு எதிரான போர்களில் இவருடன் இவருக்கு சமமான வீரம் கொண்ட மகள்கள் சண்டையிட்டதாகவும் சில கதைகள் கூறுகின்றன.

அபக்கா நினைவகம் உல்லால் நகரில் அமைந்துள்ளது.. இவரது நினைவாக வருடாந்திர கொண்டாட்டம் வீரராணி அபக்கா உற்சவம் ஆகும். இந்த நிகழ்ச்சியில் புகழ்பெற்ற பெண்களுக்கு” வீரராணி அபக்கா பிரசஸ்தி”விருது வழங்கப்படுகிறது. ஜனவரி 15, 2003 அன்று இந்திய தபால் துறை சிறப்பு அட்டையை வெளியிட்டது.

இவரது உருவச் சிலைகள் உல்லாலிலும், பெங்களூருவிலும் அமைக்கப்பட்டுள்ளது. இந்திய கடலோர காவல்படை கப்பல் ஐ.சி.ஜி.எஸ். ராணி அபக்கா இந்துஸ்தான் ஷிப்யார்ட் லிமிடெட்டில் கட்டப்பட்ட ஐந்து கடலோர ரூபங்களில் முதன்மையானது.